6th Apr 2020
கண்ணுக்கு தெரியாத கிருமி
கையாலாகாத மனிதன்
வீட்டிலேயே இருக்க சொல்லும் அரசு
எத்தனை நாள் இந்த சிறைவாசம்? எவருக்குத் தான்
தெரியும்?
வீட்டு வேலை; அலுவலக வேலை
தனிமை சிறையும், தகுந்த தண்டனையும்
......
நாள் கிழமை மறந்து நான் அழிய துவங்கும் நேரம்
மாற்றம் வேண்டி நேற்று கண்ட திரைப்படம்
நெஞ்சில் நிழலாடுகிறது ...
முன் பின் பார்த்திராத, திடீரென்ற சந்திப்பில்
இணையும் அந்த இளம் ஜோடிகள்
வியன்னா தெருக்களில் அந்த ஓர் இரவில் சுற்றி வர
போலிகளற்ற, இனிமையான தருணங்கள்
.....***
திடீரென சட சடவென சத்தம் .....
எழுந்து வந்து பால்கனியிலிருந்து பார்க்கிறேன்
மண்ணின் மணம் நாசியை நிரப்ப
மெலிதான இடியோடு, சரசரவென
அந்த ஜோடி ஒருவருக்கொருவர் கொடுத்த
"ஓராண்டுக்கு பின்
சந்திப்போம்" என்ற வாக்குறுதியினை
நினைவூட்டி நிதானமாக பெய்ய ஆரம்பிக்கிறது
இந்த கோடையின் முதல் மழை
நினைவுகளும், நீலவானமும் இங்கே, நீ எங்கே?
*** Film: Before Sunrise by Richard Linklater
*** Film: Before Sunrise by Richard Linklater